Я ж даўно ўжо забываюся сказаць, што наведваю гурток па беларускім народным строі. Гэта было незапланавана, яшчэ ўлетку я нават пра гэта не падазравала:) Але ж убачыла аб'яву ў by_ethno  і адразу ж усё і вырашыла. Няма слоў, каб апісаць мае захапленне - і арнаментам, і строямі, і гуртком, і выкладчыкам Настай .. так што ўсім беларускам, якія чытаюць мой журнал, вельмі раю як мінімум пазнаёміцца з   беларускім народным строем, а як максімум - пашыць сабе такі. А для натхнення і заахвочвання вось вам прыгожыя карцінкі з кнігі Раманюка "Беларускае народнае адзенне" . У самой кнізе здымкаў вельмі шмат, я адабрала тыя, на якіх прыгожыя кабеты пазіруюць фатографу з рознымі керамічнымі вырабамі ( ну і некалькі без керамікі, але якія мне вельмі-вельмі спадабаліся).
Абяцаю хутка паказаць першыя мае поспехі ў вышыванні.


1. Кобрынскі р-н, в.Варатынічы, пач.ХХ ст.




2. Клецкі р-н, пачатак  ХХ ст.

Гэта мой  любімы здымак:

3. Мастоўскі р-н, маладуха ў верхнім адзенні з капарам, пачатак  ХХ ст.

А гэта проста прыгожы здымак і прыгожая дзяўчына з Цэнтральнай Беларусі ( я шыю сабе менавіта з тых мясцін строй, і каптурык такі буду шыць):


4. Маладзечанскі р-н, пачатак  ХХ ст.

Звярніце ўвагу, я раней не ведала, а на мінулым занятку нам растлумачыла Наста, што дзяўчыны насілі каптурык як на зд.4, а замыжнія жанчыны, як на здымку 3 - разам с хусткай.
А вось яшчэ адзін каптурык:

5. Камянецкі р-н , святочны строй, пачатак ХХ ст.

Вось якія дзяўчынкі, 2 збанка і міска:)

6. Слуцкі р-н, пачатак ХХ ст.



7. Івацэвіцкі р-н, в. Святая Воля 1930я гады.

І любілі ж са збанам фатаграфавацца!

8. Лідскі р-н,   1930я

Яшчэ збан, ды які вялікі! А вось строй ужо прасцейшы - штодзённы, не хадзілі кожны дзень у вышываных кашулях, шкадавалі іх.

9. Лідскі р-н  традыцыйнае летняе адзенне, 1920-я г.

А вось жанчына з макотрай:


10. Жлобінскі р-н, в. Заброддзе пачатак  ХХ ст

А вось паглядзіце на верхняе адзенне, якое раней насілі. МНе вельмі падабаецца такое (вось бы такое пашыць!)

11. Дзяўчына ў світцы, Кобрынскі р-н

А гэта проста вельмі файны фотаздымак. Такія цені, свет:


12. Кобрынскі р-н, 1920 гг

Гарныя дзяўчыны!


13. Старадарожскі р-н, святочныя касцюмы дзяўчат канец ХІХ - пачатак ХХ стст.



14. Драгічынскі р-н, в. Радастава, сяр.ХХст.

Ну і яшчэ два  каляровых здымка:

15. Кобрынскі р-н, пач.ХХ ст.


16. Светлагорскі р-н, в. Хутар, пачатак ХХст.


Для моих рускоязычных друзей. Этой записью и фотографиями я хочу вдохновить белорусок последовать моему примеру и сшить себе белорусский национальный костюм.  А сама я в процессе! Шью себе сейчас рубашку по мотивам Воложинского района Минской области (Центральная Беларусь).  А в планах еще юбка, жилет (гарсэт), фартук и чепчик (каптурык).